انحلال الكليكوز

 الكليكوز هو المادة لي فيها الطاقة و لي خاص يدوز من عدد ديال التفاعلات لي بخطوة بخطوة كتخرج منو هاديك الطاقة.

فالبدية الكليكوز كيتعرض لواحد المجموعة ديال التفاعلات لي كتسمى إنحلال الكليكوز و لي فيها جزيئة وحدة من الكليكوز كتعطي فاللخر 2 جزيئات من حمض البيروفيك .

وهاد انحلال الكليكوز كيكون فالجبلة الشفافة ديال الخلية.

أول مرحلة كيتم فيها استهلاك 2 جزيئات Atp

حتى كينتج فريكتوز 1,6 ثنائي الفوسفات لي من بعد كينقاسم ل 2 جزيئات متطابقين و كل وحدة منهم غتعرض لتفاعلات ديال أكسدة-اختزال مع +NAD لي غادي ينتج عليها +NADH.H لي حتى هي جزيئات كتخزن الطاقة و تم كيتم تثبيت فوسفات لاعضوي (Pi)

وكدالك كيكون تفاعل فسفرة Adp لي كينتج عليه جزيئات Atp و فاللخر كيبقى حمض البيروفيك.

فريكتوز 1,6 ثنائي الفوسفات من بعد ما كينقاسم و كيعطي 2 جزيئات كل وحدة من هم غينتج عليها جزيئة NADH.H+ و 2 Atp

يعني فالمجموع 2 من +NADH.H و 4 Atp

* استهلاك 2 جزيئات Atp فالبدية و انتاج 4 فاللخر كيجعل الحصيلة الطاقية ديال انحلال الكيكوز هي 2 Atp